༄༅། །བསམ་འགྲུབ་དར་རྒྱས་ཆོས་གླིང་ནི། ༸སྐྱབས་རྗེ་ཀ་ལུ་རིན་པོ་ཆེ་མཆོག་གིས་ཕྱི་ལོ་༡༩༦༦ལོར་རྡོ་རྗེ་གླིང་ཉེ་འདབས་སོ་ནཱ་དཱ་ཡི་ས་གནས་སུ་ཕྱག་བཏབ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན། རྩེ་རྣམ་རྒྱལ་གྲྭ་ཚང་དང་།རྒྱུད་སྟོད་སྨད་གཉིས་ཀྱི་མཁན་བླ་སྤྲུལ་སོོགས་ལ་ཤངས་པའི་གསེར་ཆོས་རྣམ་ལྔ་དང་། མགོན་བཀའ་བཅུ་གསུམ། གཏེར་གསར་ཕུར་པ་བཅས་ཀྱི་དབང་ལུང་གནང་། ད་ལྟའི་མཆོག་སྤྲུལ་རིན་པོ་ཆེ་མཆོག་ཏཱའི་སི་ཏུ་རིན་པོ་ཆེ་དང་སྤྱི་ནོར་༸གོང་ས་༸སྐྱབས་མགོན་ཐམས་ཅད་མཁྱེན་པ་མཆོག་རྣམ་གཉིས་ཀྱིས་ཡེ་ཤེས་དག་པའི་གཟིགས་ངོར་སྐུ་གོང་མའི་ཡང་སྲིད་འཁྲུལ་བྲལ་དུ་བཀའ་ལུང་ཕེབས་ཤིང་།ཕྱི་ལོ་༡༩༩༣ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགོན་པ་འདིར་ཆིབས་བསྒྱུར་བཀའ་དྲིན་བསྐྱངས་སྐབས་དབུ་སྐྲ་གཙུག་ཕུད་འབུལ་བཞེས་མཛད།དེང་སྐབས་ཀ་ལུ་མཆོག་སྤྲུལ་རིན་པོ་ཆེའི་དབུ་འཁྲིད་འོག་དགེ་འདུན་ཞལ་གྲངས་༡༢༠ཙམ་གྱིས་རྒྱུན་འཛིན་གྱི་ཡོད།། །།