༄༅། །ཉི་སྡེ་རབ་བརྟན་གླིང་དགོན་ནི། ༸དཔལ་རྒྱལ་དབང་ཀརྨ་པ་སྐུ་ཕྲེང་ལྔ་པ་དེ་བཞིན་གཤེགས་པ་མཆོག་གིས་བོད་ལྷོ་བྲག་ཏུ་ཕྱག་བཏབ་པའི་དགོན་པ་ཞིག་ཡིན། བྱེས་སུ་ཉི་སྡེ་རབ་བརྟན་དགོན་གྱི་བླ་གྲྭ་དང་ཕ་མ་རྒན་རབས་པ་རྣམས་ཀྱིས་ཕྱི་ལོ་༡༩༥༩ལོར་འབྲུག་ཡུལ་འཇིགས་མེད་ནང་དུ་སྒྲུབ་བརྒྱུད་ཀརྨ་ཀཾ་ཚང་གི་དགོན་པ་འདི་ཉིད་གསར་བཞེངས་གནང་། དེང་སྐབས་དགེ་འདུན་པ་ཞལ་གྲངས་༦༧བཞུགས་ཤིང་།བླ་མ་ཚེ་དབང་རབ་བརྟན་ལགས་ཀྱི་གཟིགས་རྟོག་འོག་གྲྭ་གཞོན་རྣམས་ལ་བྱིས་པ་དག་ཡིག་དང་།རྒྱལ་སྲས་ལག་ལེན་སོ་བདུན་མ།ལེགས་བཤད་ལྗོན་དབང་དང་།གྲྭ་རྒན་པ་རྣམས་ལ་རང་ལུགས་ཀརྨ་ཀམ་ཚང་གི་ཕྱག་བཞེས་ལྟར་ཆོ་ག་ཕྱག་ལེན་སོགས་སློབ་སྦྱོང་གནང་གི་ཡོད།། །།